Bacian (bacian) wrote,
Bacian
bacian

1940-я ў колеры

Хачу падзяліцца з вамі каляровымі здымкамі Менску часоў акупацыі з сайту pixpast.com. Нажаль, паўнафарматныя здымкі каштуюць ад 39 эўра за адзінку, таму толькі прэўюшкі з копірайтамі.

Галоўны корпус Палітэха па праекце архітэктара Макляцовай, пасьля вайны перебудаваны да непазнавальнасьці ў стылі клясіцызму. На пярэднім плане могілкі жаўнераў вермахту перад Акадэміяй навук.



Акадэмія Навук БССР у будаўнічых рыштунках і з будаўнічымі часовымі пабытоўкамі.






Зьлева ў кадр патрапіў Дом Друку.


На месцы могілак зараз новы корпус першага гарадскога шпіталя і паркоўка.


Будынак па праспэкце Незалежнасьці 43 і будынак 23-й гімназіі на заднім плане.


Пераносімся ў цэнтр. Перспектыва вуліцы Савецкай (пр. Незалежнасьці) ад перакрыжаваньня з Энгельса ў бок Дома Ўрада. Зьлева руіны гатэля "Парыж", на месцы першага дома справа зараз Кастрычніцкая плошча, на месцы другога - сталінскі гмах з уваходам у метро. Як бачым, дамы гарэлі, але аднаўляць іх было магчыма.


Буйным планам. На рагу будынка бачная блакітная савецкая шыльда (з вельмі цудоўным дызайнам у адрозьненьне ад сучасных безгустоўных) з надпісам "Савецкая вуліца".


Погляд у іншы бок. Зьлева ўверсе кадра бачная ўжо нямецкая белая шыльда з надпісам "Hauptstraße". На месцы дарэвалюцыйных дамоў зьлева праезная частка і Кастрычніцкая плошча. Справа ўдалечыні бачны будынак з компекса Архіерэйскага падвор'я, які захаваўся да нашых дзён, там зараз Тэалагічны факультэт БДУ. Зьвярніце ўвагу на цудоўную брукоўку.


Гэты ж шэраг дамоў. За дарэвалюцыйным чатырохпавярховікам стаіць кінатэатр "Пролетарый" 1920-х гадоў пабудовы, далей - першапачаткова двухпавярховыя дарэвалюцыйныя дамы, надбудаваныя ўжо ў савецкі час.


Чырвоны касьцёл.


Дом Урада.


Плошча Мясьнікова. Дамы на фота захаваліся.


Абсалютны хіт - новенькае лецішча Цанавы ў Сьцяпянцы, якое, на жаль, было канчаткова зьнішчанае колькі гадоў таму. Акупанты выкарыстоўвалі яго як штаб няведама чаго, магчыма Люфтваффэ, бо непадалёк быў аэрадром.


Фота, падпісанае як "штаб Люфтваффэ ў Менску". Неапазнанае, магчыма дзесьці непадалёк.


Астатнія фота, пазначаныя як Менск, але якія цяжка ці немагчыма атрыбутаваць - тут.

Дзякуй за ўвагу!
Tags: Минск, оккупация, фото
Subscribe

  • Альбом "Маскоўска-Берасцейская чыгунка ад Смаленска да Брэста" 1880-я

    Спяшаюся падзяліцца фотаальбомам 1880-х (!) гадоў, прысьвечаным пабудаванай у мінулым дзесяцігоддзі Маскоўска-Брэсцкай чыгунцы. Фотаальбом…

  • Каліноўскі ў Менску

    Кінакадры Менска 1927-га году ў адным зь першых беларускіх савецкіх кінафільмаў "Кастусь Каліноўскі" (прыкладна з 35:30). Паколькі Вільня ў той час…

  • Любопытный факт

    В 1939-1941 годах Беларусь и Германия (точнее, БССР и Третий Рейх) имели общую границу. Причем речь идёт не об оккупированной нацистами Польше, с…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 28 comments

  • Альбом "Маскоўска-Берасцейская чыгунка ад Смаленска да Брэста" 1880-я

    Спяшаюся падзяліцца фотаальбомам 1880-х (!) гадоў, прысьвечаным пабудаванай у мінулым дзесяцігоддзі Маскоўска-Брэсцкай чыгунцы. Фотаальбом…

  • Каліноўскі ў Менску

    Кінакадры Менска 1927-га году ў адным зь першых беларускіх савецкіх кінафільмаў "Кастусь Каліноўскі" (прыкладна з 35:30). Паколькі Вільня ў той час…

  • Любопытный факт

    В 1939-1941 годах Беларусь и Германия (точнее, БССР и Третий Рейх) имели общую границу. Причем речь идёт не об оккупированной нацистами Польше, с…